Lectura para este curso

Lectura do libro “En tierra de indios” de Philippe Nessmann. Editorial Bambú. ISBN: 978-84-8343-175-7

Cada alumno fará un traballo que deberá ter as seguintes características:

Preferentemente con procesador de textos (Letra Arial 12, a 1,5 espazos, xustificada).

O traballo deberá conter, como mínimo, os seguintes apartados:

1.    Portada. (0,25 puntos)

2.    Índice: deberá conter os apartados nos que se divide o traballo (non o libro) (0,5 puntos)

3.    Introdución: deberá conter (máximo media cara de folio) (1 punto):

·       Unha referencia bibliográfica completa (autor, título do libro, ano de edición,  e editorial)

·   Unha breve introdución biográfica e literaria do autor (breve biografía e mención doutras obras)

·       Dicir de que tipo de texto se trata (narrativo, ensaio, poético, tratado, etc)

4.    Resumo do libro: (máximo dúas caras de folio). (4 puntos)

5.    Contexto histórico: situar o libro no seu contexto histórico, cun breve resumo da historia (ata á época en que se desenvolve a aventura) dos recen nacidos Estados Unidos de América. Ademais debes valorar se os datos que aporta o libro sobre ese período son reais ou ficticios. (mínimo media cara, máximo unha cara) (1,5 puntos)

6.    Contexto xeográfico: Situar xeograficamente o relato, citando os elementos do relevo, ríos máis importantes, flora, fauna, etc. (mínimo media cara, máximo unha cara) (1,5 puntos)

7.    Valoración persoal da obra: que deberá incluír (máximo media cara de folio): (1 punto)

·         O que aprendiches coa lectura; que pensas que quere reflexar ou destacar o autor co texto?; que valores defende?

·         Se che gustou ou non; se o recomendarías, a quen e por que?; se te sentes identificado con algún personaxe; e que foi o que máis che gustou?; e o que menos? 

8.    Bibliografía e webgrafía: citar os libros e webs consultados para realizar o traballo (distintos do propio libro). (0,25 puntos)

Penalizarase con 0,5 puntos nos seguintes casos:

ü  Non presentar o traballo no tipo de letra e resto de requisitos formais.

ü  Non respectar as extensións mínima e máxima indicadas.

Data límite de entrega: 31 de xaneiro de 2019.

A maiores da presentación do traballo, farase un test para comprobar a lectura do libro.