Traballo en grupo para o primeiro trimestre: as augas da Terra

Cada grupo (A, B e C) dividirase en 6 equipos de 5 ou 4 membros, podendo o profesor asignar a un equipo aos alumnos que queden sen integrarse.

Cada equipo elixira un tema para facer o traballo de entre os que a continuación se relacionan, non podendo repetirse ningún. En caso de discrepancias, o profesor procederá a sortear entre os equipos:

1.    O mar Morto

2.    O mar de Aral

3.    A presa das Tres Gargantas

4.    A presa de Assuán e o río Nilo

5.    O glaciar Perito Moreno

6.    Os Grandes Lagos de Norteamérica

Sobre o tema elixido elaborarase un traballo que deberá conter, como mínimo, os seguintes apartados:

1.    Portada. (0,25 puntos)

2.    Índice: deberá conter os apartados nos que se divide o traballo (0,25 puntos)

3.    Traballo propiamente dito Terá unha extensión mínima de un folio polas dúas caras, e un máximo de tres, en letra Arial 12, espaciado 1,5, xustificado. (4 puntos)

4.    Valoración persoal (1 punto)

5.    Bibliografía e webgrafía: citar os libros e webs consultados para realizar o traballo. Como mínimo tres (aparte da Wikipedia). (0,5 puntos)

O traballo deberá ser entregado, e tamén exposto na clase por un ou varios membros do equipo durante un tempo máximo de 15 minutos. Para a exposición poderán utilizarse presentacións tipo Power Point. (a exposición sumará ata 4 puntos). Os membros do equipo que expoñan sumarán un punto adicional por riba do obtido polo propio equipo.

Penalizarase con 0,5 puntos nos seguintes casos:

ü  Non presentar o traballo no tipo de letra e resto de requisitos formais.

ü  Non respectar as extensións mínima e máxima.

ü  Excederse do tempo máximo de exposición oral.

Data límite de entrega: 30 de novembro de 2018.

Os traballos expoñeranse, a criterio do profesor, durante o mes de decembro.

Cada equipo elixirá democraticamente un coordinador. En caso de non chegar a acordo, decidirá o profesor.

O coordinador, de acordo coa maioría do equipo, poderá penalizar aos membros que non traballen e colaboren, aplicando á nota as seguintes porcentaxes de penalización: 25%, 50%, 75% ou 100%.